Tgei Viriveri

2014

La cumedia «Tgei viriveri» raquenta d’ina sera avon l’emprova generala publica d’in toc criminal plein tensiun. El teater local regia ina pulita hectica. In actur maunca numnadamein perquei ch’el ha rut ina comba e siu substitut ha retard ed ei buc per peis. Il substitut duei esser buns e ha gia giugau biaras gadas quei toc. Negin sa denton co el vesa ora. La sera, cuort avon l’emprova generala publica, ei la gnervusadad strusch pli da supportar. La sala d’aspectaturs ei beinpleina. Igl actur substitut maunca aunc adina. Cheu entra igl aspectatur Stiafen Schmed (Adrean Livers) cun retard ed enquera ses collegas. Per sbagl crei il regissur (Marcus Brunner) che quei seigi il substitut e stauscha semplamein el sin tribuna ed ella rolla da Steven Smith. Carin de Mont ei sco aunc bia autras acturas ina tschutta dil regissur e sto star o beinenqual bèffa. Ella sa siu text, denton mo cun agid da cavazins, la finfinala fan era quels negin effect pli. Julius C. Tenner (Curdin Capaul) emprova da spindrar la situaziun che vegn pli e pli absurda mo cura ch’ils acturs ston aunc beiber ver cognac semischeidan in mazzament dubel, scenas da schalusia privatas e malcapientscha.

Reschia: 
Reschia - Marc Seiler
Fotografias: